Schumann

Terwijl ik Schumann draai
de tekst van zijn prachtige ‘Waldesgespräch’ zoek
ziet mijn kat hoe ik
het wijnglas ter tapijt flard.
 
Buiten draalt ver weg
een goederentrein over de horizont.
Ik denk ondertussen:
‘Wat doe ik hier?’
 
Vijf ganzen vliegen zuidwaarts
en geven geen antwoord.
 
Ik pas.
Advertenties
Geplaatst in Uncategorized | Een reactie plaatsen

Blog: der Vikinger Wiki hat seine Periode…

Yes you strauss-cahn…

In de noord-Overijsselse badplaats Ootmarsum zijn broodrellen uitgebroken toen de plaatselijke El Albert Heynie aankondigde dat de maïs-halfwit met sesam uitverkocht zou raken. Honderden atheïsten, moslims en christenen begonnen rellen, en delen van de Ootmarsumse politie heeft zich aangesloten en manschappen uit Nordhorn opgeroepen hetzelfde te doen. Onze correspondent is van Suez Egypte op weg naar deze nieuwe protesthaard, die zich blijkbaar buiten de Arabische wereld uitbreidt. Verwacht wordt dat zondag na het ochtendgebed, deze protesten tot een hoogtepunt zullen komen. Eerder verlaagde El Albert Heijnie al het statiegeld op flessen appelsap en kondigde verhoging van de sigarettenprijzen aan. Anonieme Ootmarsumse kringen verwachten pas een afname van de ongeregeldheden als zondagavond Boer Wordt Flauw wordt uitgezonden. Wordt vervolgd.

*********************************************************************************

Dienstmededeeling: deur gedwongen uutwisseling opgelegd deur Uwevee, mos Hertenkamp vd Sikkenköttel noar de Tunesische tak van Wikileaks en he’k ene uut de Pruis weere’kreggen van de Duutse afdeling, genannt: der Vikinger Wiki hat seine Periode. Ich hoffe oewluu hebt gin bezwaarn, en gif ‘m een kans…

*********************************************************************************

Zu hebt t allemoal oaver 10-10-10. Vrumd want t is toch 2010? En 2010-2010-2010 kan’t neet worden.Boavendeen besteet de aarde 4,57 miljard joar, dus vandage ist 10-10-4.570.000.000 ofwel 10-10-4,57×(10)9.Niks bijzonders vandage dus, Jupiter stond vannacht nog gewoon am Himmel in’t zuuden.

Angela Merkel vond ’t good dat Duutsland de DDR-muur hier veur Ootmarske neerzet, now den Wilders t stuur in handen hef, en dat ik met een karabijn de grenze in de gaten hol gegen die Wilders-Toupetten- und Pokratzer… Wal onder veurwaarde van mien dat er een tunnel noar de AH kump (Duutse brood smek mien neet) met alleen n sluttel veur mien en Marianne Thieme. Now zeen dat ik een Messerschmidt uut 2n Weltkrieg  kriegn kan, kann ich auch die blöde Limburger im Auge behalten und wenn nötig Famke Halsema evakuieren.

Japan zet Paris Hilton noar Usa, aber doar kump e neet vot, Frankriek motte ween… Doar steet e al 29 joar…

Wat ik neet snappe is dat de Oktoberfeste in München now al begonn bint, in september…A’t de uwv d’r now net zo oaver dach’n wi’k de Lederhose wal anzieh’n mit ne Bier oder 2…

Gister was Hansi Hinterseer op tv, volns mien heffe t vorne ook zeer, goeiedag zeg..

Zol wel effn J van V(ertenkamp) willn heetn, gut wat n geld…

Wesley Sneijder zol zich tot t geloof willen bekeern. Loat e mer uutkiekn, straks wurdt e door bisschop Mixa nog ingeweid…

Ze doot de salarissen van directeurn van de Staatslotterie met 45% omlage, dat betekkent toch dat een lot van vrogger een teentje, now 5,50 geet kosten of neet? Da’s good ni’js.

Bie Robeco köj tegeswoordigs ook meat en griet kriegen volgens Radio1.  Tis toch neet te gleuvene…Vrogger deien ze in andeeln dacht ik.

Ze arresteert dan de Bavaria-babes, ze könt better hun ouders arresteern, want ie kunt babies neet allene loatn. Boh!

Mien buurman, Ali Chemikala heet e, is een beste keal, hee kon t World Trade Center zwart schildern, had alleen tevulle terpentine bie zich, en te weinig verf. Wieters köj m good hemm’n, op ni’jjoarsdag nam e mien oavergebleevn vuurwark oaver en ook bie de vuurwarkramp in Eanske was e geliek an’t schoonmaakn.

Gek; ook de president van de Us kan internet now uutschaakln. Ik kan dat al zolang ik wet. Keal lup achter.

Ik wet neet wat r vanmorgn in de koffie van de Franzosen zat, mer t was neet best.

Toch knap van den keal diet een pasfoto kapotschut op joetoebe, in de ene hand n pistole en in de andere hand n camera, is mien niet gelukt toen ik de pasfoto van mien schoonmoo wol deurscheetn.

Trouwens ze hebt mien tandpasta gestooln, en verkocht in Roemenië.

Ik denk dat ik mien oranje tandpasta moar weggooi, want den keal diet zien auto oranje hef ‘eschilderd krig een boete en die deerns in Zuud-Afrika haddn t ook neet best.

Tied veur wat better niejs: Volgens kringen rond de Zuidafrikaanse president Mandela wordt Arjan binnenkort op zien Robbeneiland in Zuid-Afrika verwacht. Hee hef last van zien hamstring. Ik zol de vrouwelijke lezers willen vroagn wat dat is, lik mien niet dat ik doar last van kan kriegen. Mer loat Rouvoet t neet heurn, den zal Arjan neet opnemmen in zien team. Moar wieters good niejs.

Benno L. (ik hoove nig tussn mien beenn te kieken woar de L voor steet) hoef noa ziene gevangenis neet in de gaatn wordn eholln… Dat zegt een team psychiaters en andere gestudeerdn vandage, onder heftig protest van n aanklager. De keal hef een 12-jarige oppas misbruukt, neeh wie hebt moar drie uur per dag de tied om m in de gaatn te holln, rest van de tied mo’w elkaar de konte krabben, want t juk doar…

Bun soms echt blie dat ik in de Pruus woon, de hele mikmak op vakansee stuurn noar Peru, lik mien t beste.

Woarum mag de VN gin onderzoek doon noar de Israëlische aanval op de boot naar Gaza, wi’j bunt een van de drie landen ewest, diet doarteggen hef estemd…. Ik zoll’n joe biena gin belasting meer betaaln, boh!! Den Balkenende he’k t helemoale met gehad en ziene companen ook.

A’k de kranten zo leeze zo’j bienoa metleaven met Joran van der Sloot. Bun blie dat de Peruanen ‘m opsluut, hier was e noa veer joar alweer vrie ‘ekommen omdat zien moeder had ‘ezoppen ofzo of een onvoldoende had veur bookholln, ik neum maar wat.

Omdat Joran gin beltegoed meer had heffe een 77-jarige uut Eanske van 2200,- beroofd. Hie mos natuurlijk zien reis noar Peru ook betaaln.

Homo was met vriend niet op lijst gekomen, dat lik mien logisch, ze zet mien toch ook niet met mien vriendin op de lieste?

Onderwijs hoogbegaafden in gevaar; joa, sinds ik der neet mer hen hoef, kan’k mien dat veurstelln.

Kevin Costner hef 7e kind, gut zit bliekbaar elke dag van de wekke te vunzen met zien vrouw.

Amy Whinehouse houdt zoenmarathon, mm woar is dat?

Joran probeert advocaat te bereiken… Kan e toch gewoon belln, of heffe gin tegoed mer?

Ze zeit dat Venus hoog an de hemel steet, mer ai good rechtuut kiekt staar ie m recht in t gat 😉

Ik keke net naor n moan, en mos denken an Ban ki Moon (weg met de maan) ’n secretaris generaal (wat ist now?) van de VN, kump uut Korea ofzo, wet ik vul. Zol e dr last van hemmn, een weerwolf ofzo?

Vrouw Merkel hef de nattigheid van n Oder ontvlucht en is weezn tanken in Saoedi Arabië, hee hoevn neet ens ne boerka an. Ik vind wal n end weg um vrumd te goan. Heer is de Mobil nog dreuge.

Roland Koch van n Hessischen CDU geet uut de politiek. Hee wil eerst leren kokken, dan kan e pas  ( H)essen. Heel good.

Hier in de Pruus wazn de Camel op bie de KundK (die Kamele sind alle), he’k blauwe Lucky Strike ‘ekocht, best lekker, wat pittiger dan de kamelen, moar ook sneller op. Ik zol zeggn probeer t es.

Internetten op werk belangrijker dan salaris, zag ik zojuust op nu.nl. Ik zol geerne willen ruilen, köj de laptop kriegn en achter in ow .. stoppen, boh!

´n Spindokter… alle dure luu hebt die tegeswoordigs, woarumme bint ze now zo geìnteresseerd in t welbevindn van spinnn? t Gres veur de veute van Groen Links wegmaain, dat doot ze, boh!

Den deerne van Moskovich, Eva Jinek, kon eure arrebeit bie de Nos niet combineren met eur relatie met den keal. Ik zol zeggen kom moar bie mien, ik heb gin arrebeit, en ie bunt n beste deerne.

N uutvinder van de pinautomaat is dood, zien vrouw kon gin 6 cijfers onthollen, doarumme heffe dr veer van ‘emaakt.

Dame Gaan Gaan wil stage lopen bie n hoedemaker. Mag e mien Coldplay-pet wal uutdeuken, hef n halfjoar onderin de kofferbak e’leegn.

Doutze Kroese o.i.d. mag r ook ween. Vrumm noam Doutze… Kan ik toch neet wetten of e douwt? Da kom ‘k pas achter ak bie eur intrek. At zo wiet is, kriej antwoord. Eerst bellen, zal wal via 06-Doutze ween.

Ik hol neet van dun, mer dee deerne uut Cannes mag er wal ween, Keet Blanchett heit ze, köj vast wal keet met schoppn.

De weerkeal (neet Kroll want den mos zich scheern) had wat nieuws, n aswolkvoorspelling, had natuurlijk met Iesland te maakn, mer hee veurspelln oet zeer betrouwbare bron ook dat ene Hattemink woensdag ne sigaret opstekken zol, uutkiekn dus a’j met n Libies toestel boavn Nordhorn komt. Of a’j met oew Twenteshirt uut Bangkok teruggekomt. Krieg ie nog meer brandvlekkn erin, en das sunt.

Zee könt de greekn dr better uutsmieten, lui sirtaki zittn zoepn in de zunne terwijl wie an t wark bunt of in de fiele noar mekare zit te kiekn. Ik las dat ze de rente nog neet ens opbrengen könt.En dan Koerdistan in de EU.

Alle dulligheid mer ffn op de lat, schijnt dat die Jack de Vries een vakman was en die christenhunde loat hun dubbelheid weer zeen deur m vlak veur de verkeezingn af te schoevn. Haddn ze godomme vul eerder könnn doon.A’j echte ballen hebt dan hol ie den keal, en blief ie off van kleine katholieke jongs, boh!!. Loat ze dat bie de cda es anpakken.Nietzsche had geliek. God is dood, of hee slup, natuur geet toch woar te neet hen kan.

Jek de Vries (zien vader neum’n e noar watte altied an had) kon tenminste nog in een kazerne terech. Ik kon dat neet; ik had nl dienst e’weigerd. En ’t kantoor van de Psp was dicht op dat uur. Gelukkig kon ik bie Femke terecht, moar mos wal links liggn. Ze had un greun hemd an, en rookn toon ook al. Beviel mien best.

Op Nu.nl stond dat un boardcomputer van un auto kwetsboar is veur hackers. Da kan’k mien veurstellen, a’j met de laptop achter t stuur zit, krieg ie ongelukkn. Da köj better thuus doon.

Net zag ik op tv dat ie met head en scholders leuke deerns kan antrekken. Mm ik heb dat joarn gebruukt, mer t was neet meer te betaaln.

Gelukkig he’w ook nog good ni’js: Twente supporters vindt een warm onthaal in Bangkok, Thailand, deur de politie. De supporters hebt de rooie t-shirts nog steeds an.

D’r kwammn un paar opmerkingen uut de stad, zee vondn dat ik te vul oaver poep en pies proate, ik zal doarumme probeern wat serieuzer te wordn: zee heerboavn.

Wa’k neet kan uutstoan is dat den Ruben lastig gevallen werd deur n Telegraaf, boh, ik zol er mien konte nog neet mee afveagn…

Wal jammer dat e neet meteen kon betaaln, Merkel hef m daorop geweezn, now dreigt e uut de EU te stappn…Met een grote schop richting vulcaan Ijsland zo’k zeggen.

In Frankriek bint ze ook wat wiezer ewordn, Sarkozy riedt gin Peugeot meer moar Audi. Was net in t nij’s. Die Merkel kann zufrieden sein.

Vanmiddag ging ik hen met de hond uut, den mos dritten, kump er van links een motorcrosser anjaagn, stoekt vlak veur mien de grave in. Ik herkennn m, Gait van de Plark, ie wet wel, van n Heelweg dartien. Ik zeg keal, wat heb ie een hoast? Mo’j met 100 deur de mais hen jaagen? Joa, zeg e, ik ben van plan van mien vrouw te scheiden… Ik zegge, dan köj toch ook rustig an rieden? Terwijl e de KTM (mooi ding) weer anpleert kiek ik m noa. Hee zeg: Nee, want ik goa t er now vertelln.Ik denke joa, hee hef geliek; A’j de boxe vol hebt, mo’j snel hen dritten.

Van Gaal hebt ze in zuud Duutsland toch te pakkn ekreegn in München, hee wol eerst gin bier, mos op tied thuus ween, zei e. Da köj zekers doar neet zeggn.

Kan ook ween dat ze bedoelt: A’j dr gin 16 halve liters opkunt, krieg ie helemaal niks, mmm… dullig.

Vanmorgen bie de bushalte steet doar n reklame van Grolsch, niks op teegn. Stond r onder: Geen 16, geen druppel… Ik denke nee 16 bunk neet meer, zult ze neet vulle verkoopn.

Un vriend van mien drukt een kop koffie in mien haande en zeg; pleer daal. Ik zegge das good. Moj toch now s heurn zegge: Charly Scheen geet niet scheiden. Ik zegge oh Mario Been ook nig. Now en? Mien moo ook nig, althans dat hoppe ik neet.Wie kiekt n betje tv Ajax tegen Feijenoord, zegge: die luu uut Amsterdam hebt ook nig good, zet ze een vrouw in t team, Anita. Ik zeg, ach keal tegeswoordigs kan alles, moak ow niet druk. En rearn op de tv wat een kabaal, Twente hef toch ewonnen, wat mek t uut?

Vandaag zag ik in de krante een advertentie van een witte blackberrie, ik dacht dat kan toch neet. Stond er bie: 1 jaar. Ik dacht: zol e noa un joar pas zwart wordn?

Kan mien veurstellen da’j flauwvalt tijdens de dodenherdenking, a’j die drelle op de kop van Maxima zeet… boh ! Anonieme bronnen rond de Iraanse president Achmadjinejhad melden dat t hier geet um een autochtone man… Ik wet neet woar dat leg: Autochtonië…

Snap ie dat ze de vlag striekt noadat e is ehesen? Ik striek m altied veurdak m ophang, plodden dr oet, heur van de kat eroet, liek mien toch better.

Ik was gister ff n hamburger haaln op Times Square, kom ik weer met uien en ketchup nog an de hande, steet t halve Amerikaanse leger um mien auto, zuukn en gedoe, boh, bun met de metro noar het hotel egoan.

Joa, op teletekst steet dat de oldste mens van Nederland is oaverleen, da kan toch neet… straks go’w allemaal dood!

De beurs zakt in, a’j neet tot 67 mot arrebeiden dan köj now wieter tot 70. Mer gin paniek, zie hierboavn.

Leuk om te zene dat Coldplay met Karst een nieje ceedee uutgef, http://entertainment.nl.msn.com/nieuws/article.aspx?cp-documentid=152262142en ook een parfum uutgef, dat heet angst. Angst? Vrumdn noam… liek min gin Hengels.

Wieters vind ik t vrumd dat ze de hele 2e Kamer terughaalt uut Greekenland, en doarover hier goat zittn proaten, ik snap dr niks van. Ze könt better in Saloniki an de borrel betje hen en weer nöhln, good veur n economie. Den Wilders had zien toepetje fertig en kon vast niks anders verzinn’n, bleuden keal. Hie zol blie ween dat er is wat mensen noar ’t buutnland geet. Mer hie had vast zien vakanseegeld nog neet binn’n, den buzzl.

Joa, en dan zeek hier stoan, sex in de regen zorgt veur meer zonen. Wa’k mien dan afvroage is wie de paraplu vastholt. Dat zal verklaren woarumme dr meer deerns bunt tegeswoordigs.

Joa en dan wo’k oewluu zeggn dat r vanoavond een film is oaver de Untergang van Hitler, en alles wat e eiglijk wol, was bowlen, zie elders op disse sait. Vrum’dn keal… Had e toch gewoon in München könnn doon, wat mos e op t Rooie Plein? Bier smek doar nig, en Grolsch hebt die arme rooien nig. Dat hebt ze gister in Eanske op’emaakt.

Ieluu mot neet denken dak nix te doone heb in de ww, alleen ik wol s kiekn of ik disse rare wereld n betje kan begriepen want n eenvoudige boerenkeal as ik hef doar muujte met. Ik zal moar argens beginn’n oder t motto: A’j plat könt proatn mo’j ow vrouw stille hol’n.

Geplaatst in Uncategorized | Een reactie plaatsen

revealed…

Geplaatst in Uncategorized | Een reactie plaatsen